Poedit

Mae Poedit yn rhaglen ar gyfer cyfieithu ffeiliau gettext .po a .pot a ffeiliau .xliff.

Mae’r safon gettext yn gyffredin iawn ymysg rhaglenni cod agored ac UNIX. Mae Poedit yn cynnig golwg syml ar y llinellau i’w cyfieithu yn ogystal ag elfennau o gof cyfieithu a chyfieithu peirianyddol. Gall hefyd drin ffeiliau .xliff a chydweithio gyda Crowdin.

Mae fersiwn talu o Poedit sy’n cynnig cyfieithiadau Google Translate a chof cyfieithu’r gan y gymuned hefyd ar gael.

Mae Poedit ar gael ar gyfer Windows, Apple a Linux.

Defnyddio ar gyfer y Gymraeg

1. Gosod y rhyngwyneb.

Doedd yr awdur ddim yn fodlon gosod y Gymreig ar ei wefan ond mae’n gadael i mi wybod pryd fydd diweddariadau’n digwydd. Mae ffeil y rhyngwyneb Cymraeg i’w chael yma.

Cyfarwyddiadau Windows: Llwythwch y ffolder cyfan i lawr a’i echdynnu yn gyfan yn OS (C:)>Ffeiliau Rhaglenni(x86)>Poedit>Translations. Os mai dyna lle mae Poedit gyda chi.

Yna agor Poedit>File>Preferences… >Change language of UI (neu rywbeth tebyg) dylai Cymraeg fod yn y rhestr. Clicio ar hwnnw i’w dderbyn. Cau’r rhaglen a’i hailagor.

2. Gwirio sillafu.

Gosod Aspell Cymraeg (aspell-cy) ar eich cyfrifiadur o http://aspell.net/win32/

Nôl i Poedit>Ffeil>Dewisiadau… >Gwirio sillafu – rhoi tic yn y bocs, cau’r rhaglen a’i ailgychwyn a gobeithio ei fod yn gweithio! Dwi ddim yn cofio sut ddigwyddodd y peth yn iawn. 🙂

Gadael Ymateb

Ni fydd eich cyfeiriad e-bost yn cael ei gyhoeddi. Mae'r meysydd gofynnol yn cael eu marcio *

Mae'r wefan hon yn defnyddio Akismet i leihau sbam. Dysgwch sut mae eich data sylwadau yn cael ei brosesu .