Android yn Gymraeg

Gan | 07/03/2019

Mae Android nawr ar gael yn Gymraeg ar eich ffôn!

Mae’r freuddwyd o gael Android yn Gymraeg wedi ei gwireddu bron yn llwyr diolch i ymdrechion gwirfoddol Aled Powell. Mae’r gwaith lleoleiddio wedi ei seilio ar LineageOS ac mae’n rhaid fflachio ROM LineageOS ar i ffôn sy’n cael ei gefnogi gan y system. Mae LineageOS yn fenter i redeg Android fel system cod agored llwyr y tu allan i grafangau Google. Mae dal modd rhedeg apiau Google arno.

Mi gyhoeddodd @AledPowell y gwaith ar Trydar ar 4ydd o Fawrth wrth i fersiwn 16.0 o LineageOS gael ei lansio ac mae’r lluniau mae wedi eu darparu yn seiliedig ar hwnnw ac yn rhedeg ar Samsung S5. Felly mae modd diweddaru eich ffôn i’r fersiwn diweddaraf o Android 9.0, Pie a chael rhyngwyneb Cymraeg. Gwych!

Dyma’r lluniau sgrin…

 

 

 

 

 

 

 

 

Mae modd i mi gadarnhau fod hyn hefyd yn gweithio ar Google Nexus 4 sydd gen i, ac mae’r canlyniadau’n debyg iawn i’r uchod er nad yw ROM 16.0 ar gael ar gyfer y ffôn ar hyn o bryd, dim ond 15.1, sef Android 8.1.

I gydnabod maint gwaith Aled mae’r cyfrif ar gwefan lleoleiddio LineageOS yn nodi ei fod wedi cyfieithu dros 146 o filoedd o eiriau – ie 146,000+. Anhygoel!

Diolch yn fawr iawn i ti Aled am dy ymdrechion.

3 sylw ar “Android yn Gymraeg

  1. Padi Phillips

    Er bod hyn yn beth da, nid yw’n Android! I’r rhan fwyaf o bobl mi fasai hyn yn rhywbeth llawer rhy dechnegol i’w wneud – os nad wyt ti erioed wedi fflachios ddyfais, mi fasai fflachio dy ffôn yn rhywbeth rhy fentrus i’w wneud. Ble mae Llywodraeth Cymru yn hyn o beth? Mae’n dda do allan gyda cynllun i gel milwn o siaradwyr erbyn 2050, ond heb meddwl am eiliad am y cyd-destun, yr angen am bethau sy’n gweithio yn y Gymraeg, feel ffonau symudol.

    Yn bersonol, nid yw fflachio ddyfais yn hger, gan fy mod i’n hen law ar Linux bellach, ac wedi ail-fflachio ddyfeisiadau Android sawl gwaith. Yr unig peth arall, nid wyf yn defnyddio ffôn clyfar cyfarwydd ond un o’r enw Cubot, sy’n rhedeg Android 6.0 ac sy’n llawer rhatach na’r HTC, Xaomi neu Huawei enwog. Busai’n llawer gwell petai ein llywodraeth, neu Comisiynydd yr Iaith comisiynu’r Canolfan Bedwyr i wneud cyfieithiad o Android er mwyn i bawb ei ddefnyddio.

    Ond, ar ôl dwud yr uchod, mi wna i dipyn o ymchwil er mwyn sicrhau os yw’n bosib i mi fflachio’r Cubot Manito sy gen i.

  2. Rhos Awdur cofnod

    Falle bydde ‘android’ wedi bod yn well teitl, er mae yn defnyddio technoleg Android ar y cyfan. 🙂
    Sylw cywir ar yr annhebygolrwydd fod llawer yn mynd i fflachio’u ffonau eu hunain. Mae yna nifer fechan yn gallu gwneud hyn ar nifer cyfyngedig o ffonau a thabledi ond rwy’n meddwl mae’r prif bwynt yw dangos fod hyn yn bosib ac yn ddeniadol ond fod Google yn llusgo traed ar y ddarpariaeth. C’mon Google!
    Mae Llywodraeth Cymru wedi bod mewn trafodaethau gyda’r cwmnïau mawr ond heb lawer o lwyddiant, Microsoft wedi gwneud tipyn go lew, Windows, Office, ac ati; Google rhyw ychydig, mwy yn ddiweddar ar gyfer Hwb ac Apple, fawr ddim ers blynyddoedd.
    Erioed di clywed am Cubot https://www.cubot.net o’r blaen, diddorol, lot o adnoddau technolegol ar gael yn Tsieina.
    Dyw Canolfan Bedwyr ddim yn cyfieithu meddalwedd – gwirfoddolwyr fel fi ac Aled Powell sy’n gwneud y rhan fwyaf. Mae Cymen yn gwneud stwff Microsoft.
    Mae Aled wedi cynnig helpu i greu ROMiau os yw o gymorth – llinell olaf yn:
    https://haciaith.cymru/2019/03/14/lineageos-android-100-yn-gymraeg-ond/

  3. Padi Phillips

    Diolch Rhos, mae’r gwybodaeth yna’n diddorol. Wnai cysylltu â Aled yn y man i ofyn os yw’n bosib i ddefnyddio beth mae e wedi cyflawni ar ffôn sy’n defnyddio Androif 6.0. Yn ôl beth dw i wedi’i ddarganfod mae’n bosib fflachio y Cubot Manito gyda LineageOS 13.

    Rwy’n ymwybodol bod Microsoft wedi gwneud tipyn, ond yn bersonol rwy’n rhedeg Linux, yn rhannol ohwerwydd ei bod bron i gyd yn Gymraeg – a dyna pham rwy’n edrych ymlaen at gael ffôn Linux ‘go iawn’ yn hytrach na ffôn Android.

Gadael Ymateb

Ni fydd eich cyfeiriad e-bost yn cael ei gyhoeddi. Mae'r meysydd gofynnol yn cael eu marcio *

Mae'r wefan hon yn defnyddio Akismet i leihau sbam. Dysgwch sut mae eich data sylwadau yn cael ei brosesu .