Pori’r we

Cam 3: Pori’r We

Mae yna gwmnïau mawr fel Google a’ch cwmni darparu gwasanaeth rhyngrwyd sy’n tracio’ch hanes pori pedair awr ar hugain y dydd ac yn gallu creu darlun y mae modd ei ddefnyddio’n ar gyfer eich annog i dderbyn syniadau eithafol, i feddwl am brynu pethau diangen ac i’ch digalonni. Mae nhw hefyd yn cynorthwyo llywodraethau sy’n cadw llygaid barcud ar weithgareddau eu dinasyddion.

Sut mae cadw’n fwy preifat ar-lein

  1. Peidiwch defnyddio porwyr Google Chrome neu Chromium, defnyddiwch Mozilla Firefox (mae’n gynt na Chrome) neu borwr Tor am ddiogelwch uwch.
  2. Peidiwch cadw eich storfa neu hanes, os ydych am wneud, cofiwch ei ddileu’n aml.
  3. Dewiswch beiriant chwilio DuckDuckGo. Mae DuckDuckGo yn beiriant chwilio sydd ddim yn cadw dim o’ch data. Bydd yn wahanol i ddechrau ond byddwch yn arfer ag e, ac mae’r canlyniadau’n debyg iawn i rhai Google, ond heb gadw cofnod o’ch chwilio.
  4. Os rydych yn ddefnyddiwr uwch, defnyddiwch VPN. Byddwch wyliadwrus o VPN am ddim, talwch am un da.