Meddal.com

Firefox 4

Rhos — Wed, 23 Mar 2011 19:26:09 +0000

Mae Firefox newydd ryddhau fersiwn diweddaraf o’u porwr yn Gymraeg. Mae’n cynnig rhyngwyneb newydd mwy cywasgedig, a nifer o fanteisdion digelwch gan gynnwys cais i beidio cael eich dilyn. Mae’r porwr ar gael am ddim o wefan Firefox.

Apple yn Gymraeg!

Rhos — Fri, 18 Feb 2011 19:48:46 +0000

multiapp

Deiseb i annog Apple i leoleiddio eu meddalwedd ar gyfer ieithoedd llai cyffredin, gan gynnwys Catalaneg, Tsiec, Crioatieg a ” Chymraeg. Am ragor o wybodaeth a chyfle i arwyddo’r ddeiseb ewch i wefan multiapple.com

(Diolch, Huw)

Trydar Byw!

Rhos — Sat, 05 Feb 2011 12:09:56 +0000

Mae teclyn newydd ar gael drwy wasanaeth http://cy.umap.eu/ . Mae modd gweld holl lif negeseuon Twitter Cymraeg yn fyw. Gwych iawn

LibreOffice 3.3

Rhos — Sat, 05 Feb 2011 12:03:02 +0000

Rhaglen swyddfa yn seiliedig ar OpenOffice.org yw LibreOffice wedi ei ryddhau gan y Document Foundation. Mae’r fersiwn cyntaf 3.3 wedi ei ryddhau ac ar gael yn Gymraeg.

Opera 11

Rhos — Fri, 17 Dec 2010 17:47:05 +0000

Logo Opera

Mae Opera 11 yn cynnig stacio tabiau, estyniadau, URLau cryno a gwell cymorth gyda ystumiau llygoden.

Er mwyn stacio’r tabiau, llusgwch dab ar ben un arall a bydd yn aros yno gyda saeth yn dangos ar yr un isaf. Clicio’r saeth i ryddhau’r tab o’r pentwr. Handi os oes nifer helaeth o dabiau ar agor a’i bod yn ddefnyddiol eu crynhoi yn bentyrrau perthnasol.

Mae adran newydd o Estyniadau, fel yn Firefox a Chrome yn cynnwys estyniadau gwrth hysbysebion, rheolaeth bellach, tywydd, ac yn y blaen.

Mae Opera 11 i’w gaeth o fan hyn

Cyfieithiad answyddogol o Opera 11 ar gael yn fan hyn

Opera 11 alpha

Rhos — Mon, 08 Nov 2010 20:53:27 +0000

Tra bod ni’n disgwyl am Firefox 4 dyma ffeil iaith Cymraeg ar gyfer Opera 11 alpha. Mae manylion llawn ar gyfer nodweddion Opera 11 alpha ar gael oddi ar eu gwefan.

Firefox 4

Rhos — Mon, 08 Nov 2010 20:28:41 +0000

Mae Firefox 4 nawr ar gael!

Ewch i mozilla.com/cy/firefox

The Document Foundation

Rhos — Mon, 08 Nov 2010 20:16:58 +0000

Mae’r Document Foundation wedi ei sefydlu i hyrwyddo datblygiad pecyn meddalwedd swyddfa LibreOffice. Wedi i gwmni Oracle brynu Sun Microsystems teimlodd unigolion amlwg o fewn cymuned OpenOffice.org ei bod yn amser symud oddi wrth y noddwr newydd a sefydlu cymuned newydd gyda’r nod o hyrwyddo fersiwn newydd o OpenOffice.org. Nid yw’n glir beth yw bwriadau Oracle ynghylch OpenOffice.org.

Ubuntu 10.10

Rhos — Mon, 08 Nov 2010 20:01:52 +0000

Mae Ubuntu 10.10 wedi ei ryddhau ers y degfed o Hydref eleni. Mae rhywfaint o Gymraeg yn y rhyngwyneb a gobeithio bydd modd gweld cynnydd ar gyfer 11.04.

Dyfodol Mandriva ” Mageia Linux?

Rhos — Mon, 08 Nov 2010 19:52:28 +0000

Yn sgil diswyddo staff o gwmni cysylltiol Edge-IT sefydlwyd dosbarthiad newydd gan y staff oedd wedi cael mynd. Nid yw’n amlwg sut fydd Mandriva Linux yn gallu goroesi. Cryfder cod agored yw bod modd i’r cyn aelodau o staff gychwyn o’r newydd gyda’r meddalwedd ond bydd yn her go sylweddol.